Prejentazion per la uneranza de n jurnalism ezelënt n lecord a Claus Gatterer

Nchin ai 31 de merz pudëis ve prejenté o numiné lëures per la uneranza de n jurnalism ezelënt n lecord a Claus Gatterer. La indizion dl cuncors ie adresseda a redazions o a jurnalisć y jurnalistes dl’Austria y dl Südtirol y nce a jurnalisć y jurnalistes che à publicà te media austriacs o sudtirolesc. I cuntribuc possa vester stac publichei per tudësch, talian o ladin tla forma scrita, tl radio, tla televijion o online. L possa unì prejentà lëures singui o duta l’opra jurnalistica dl ann passà. Prupostes per na uneranza possa unì mandedes ite da chichemei cun na mutivazion curespundënta. L vën premià lëures de jurnalism che ie caraterisei, aldò de Claus Gatterer, da dumandes critiches, mpëni soziel y n livel stilistich aut.

Prejentazion: preise@concordia.at:

  • formuler aldì dl model Cuinuem_Inuem_formuler
  • curriculum vitae tla forma de PDF cun l inuem dl documënt Cuinuem_Inuem_CV
  • l cuntribut/i cuntribuc: documënt-PDF aldì dl model Gatterer22-Cuinuem-Inuem, link al cuntribut/ai cuntribuc